இந்தியாவின் முன்னணி தொலைத்தொடர்பு நிறுவனமான ஜியோ, பல அசத்தலான திட்டங்களை அறிவித்து குறைந்த காலத்திலேயே அதிகப்படியான பயனர்களைக் கவர்ந்தது. இது ஒருபுறம் இருந்தாலும், சேவை குறைபாடு தொடர்பாக பயனர்கள் ஜியோ நிறுவனத்தின் மீது தொடர்ச்சியாகப் புகார் தெரிவித்துவருகின்றனர்.
தற்போது ஜியோ ஃபைபர் பயனர்கள் ஜியோ நிறுவனத்தின் சேவை குறித்து ட்விட்டரில் புகார் தெரிவித்துள்ளனர். இணைய வேகம் மிகவும் மெதுவாக இருப்பதாகவே அதிகமான புகார்கள் வந்துள்ளதாகவும் கூறப்படுகிறது. ட்விட்டரில் பயனர்கள் தாங்கள் சந்திக்கும் இடையூறுகளைப் புகைப்படமாக எடுத்து ஜியோ வாடிக்கையாளர் சேவை மையத்தை (jio care) டேக் செய்து பதிவிட்டுவருகின்றனர்.