17 ஆயிரம் அடி உயரத்தில் குடியரசு தினக் கொண்டாட்டம்!

லடாக்: நாட்டின் 71ஆவது குடியரசு தினம் காஷ்மீரின் லடாக் பகுதியில் 17 ஆயிரம் அடி உயரத்தில் கோலாகலமாகக் கொண்டாடப்பட்டது.

71ஆவது குடியரசு தினத்தையொட்டி தலைநகர் டெல்லியிலுள்ள ராஜபாதையில் இன்று காலை குடியரசு தலைவர் ராம்நாத் கோவிந்த் தேசியக் கொடியை ஏற்றினார். இதேபோல நாட்டின் பல்வேறு பகுதிகளிலும் குடியரசு தினம் கொண்டாடப்பட்டுவருகிறது.

இந்நிலையில், காஷ்மீரின் லடாக் பகுதியில், 17 ஆயிரம் அடி உயரத்தில் கடும் பனிப்பொழிவுக்கிடையே இந்தோ திபத் எல்லை காவல்படையினரால் குடியரசு தினம் கொண்டாடப்பட்டது. லடாக் பகுதியில் தற்போது - 20 டிகிரி செல்சியஸ் வெப்பநிலை நிவவுகிறது.

இதுகுறித்து வெளியிடப்பட்டுள்ள வீடியோவில், உறையும் பனியில் இந்தோ திபத் காவலர்கள், 'பாராத் மாதா கீ ஜெய்', 'வந்தே மாதரம்' உள்ளிட்ட முழக்கங்களை எழுப்பியவாறே அணிவகுத்துச் சென்றனர். அப்போது இந்தியாவின் மூவர்ண கொடியையும் இந்தோ திபத் எல்லை காவல்படையின் கொடியையும் வீரர்கள் ஏந்தியிருந்தனர்.

இதையும் படிங்க:போராடும்போது அகிம்சை வழியை பின்பற்ற வேண்டும் - குடியரசுத் தலைவர் அறிவுரை