பாகிஸ்தான் பயங்கரவாதிகள் ஊடுருவல் தடுக்கப்பட்டுள்ளது - இந்திய ராணுவம்

இந்தியாவில் பயங்கரவாதத்தை கட்டவிழ்த்தும்விதமாக கிஷென் கங்கா நதிப்படுகையில் பாகிஸ்தான் பயங்கரவாதிகள் ஊடுருவல் மேற்கொண்டதை இந்திய ராணுவம் தடுத்து நிறுத்தியுள்ளது.

இந்தியாவில் பயங்கரவாதத்தை ஊக்குவிக்கும் செயல்பாடுகளில் பாகிஸ்தான் தொடர்ச்சியாகச் செயல்பட்டுவருகிறது. பயங்கரவாதத்திற்குத் துணைபோகும் பாகிஸ்தானுக்கு சர்வதேச நாடுகள் தொடர்ச்சியான அழுத்தம் அளித்துவருகின்றன. குறிப்பாக பொருளாதாரத் தடை விதிக்கும்விதமாக FATF அமைப்பு பாகிஸ்தானை கிரே பட்டியல் நாடுகளில் வைத்துவருகிறது.

இந்தச் சூழலில், இந்தியாவில் பயங்கரவாதத்தை கட்டவிழ்த்துவிடும் செயல்பாட்டில் பாகிஸ்தான் மீண்டும் ஈடுபட்டுள்ளது. இது குறித்து இந்திய ராணுவம் வெளியிட்டுள்ள அறிவிப்பில், "ஜம்மு காஷ்மீர் எல்லைப் பகுதியான கிஷென் கங்கா நதிப்படுகையில் பயங்கரவாத நடமாட்டத்திற்கான அறிகுறிகள் தென்படுவதாக இந்திய ராணுவத்தினருக்குத் துப்பு கிடைத்தது.

இதையடுத்து, அம்மாநில காவல் துறையினருடன் இணைந்து ராணுவம் தேடுதல் வேட்டையில் ஈடுபட்டது. அப்போது 3 பயங்கரவாதிகள் இரு பைகளில் பயங்கர ஆயுதங்களுடன் நதியை கடந்து இந்திய எல்லைக்குள் ஊடுருவ முயற்சியில் ஈடுபட்டது தெரியவந்துள்ளது.

இதையடுத்து, பாதுகாப்புப் படையினர் நடத்திய தாக்குதலில் பயங்கரவாதிகள் சுட்டு வீழ்த்தப்பட்டனர். அவர்களிடமிருந்த நான்கு ஏ.கே 74 ரக துப்பாக்கிகள், 240 ஏ.கே ரக துப்பாக்கித் தோட்டாக்கள், வெடிபொருள்கள் பறிமுதல்செய்யப்பட்டன.

அங்கு மேலும் பயங்கரவாத ஊடுருவல் உள்ளதா என்ற நோக்கில் பாதுகாப்புப் படையினர் தீவிர சோதனையில் ஈடுபட்டுவருகின்றனர்" எனக் குறிப்பிடப்பட்டுள்ளது.

இதையும் படிங்க:இன்னொரு பெருந்தொற்று வரமால் தடுக்க பணியாற்ற வேண்டும் - தலாய் லாமா