இந்தியாவில் கரோனா வைரஸின் தாக்கம் நாளுக்கு நாள் அதிகரித்த வண்ணம் உள்ளது. தொற்றால் பாதிக்கப்பட்டோரின் எண்ணிக்கை தினந்தோறும் 50 ஆயிரத்தைத் தாண்டுகிறது. வைரஸைக் கட்டுபடுத்தும் முயற்சியில் மத்திய, மாநில அரசுகள் தீவிரமாக களமிறங்கியுள்ளனர்.
இந்தியாவில் 19 லட்சத்தைத் தாண்டிய கரோனா பாதிப்பு! - Corona virus
டெல்லி: நாட்டில் கரோனா வைரஸ் தொற்றால் பாதிக்கப்பட்டோரின் எண்ணிக்கை 19 லட்சத்தைத் தாண்டியுள்ளது.
கரோனா
இந்நிலையில், மத்திய சுகாதாரத் துறை அமைச்சகம் வெளியிட்டுள்ள அறிக்கையில், "கரோனா தொற்றால் பாதிக்கப்பட்டோரின் எண்ணிக்கை 19 லட்சத்து 8 ஆயிரத்து 254ஆக அதிகரித்துள்ளது. உயிரிழந்தோரின் எண்ணிக்கை 39 ஆயிரத்து 795ஆக உயர்ந்துள்ளது. குணமடைந்தோரின் எண்ணிக்கை 12 லட்சத்து 82 ஆயிரத்தைத் தாண்டியுள்ளது" எனக் குறிப்பிட்டுள்ளனர்.
குறிப்பாக, மகாராஷ்டிரா மாநிலத்தில் கரோனா வைரஸால் பாதிக்கப்பட்டோரின் எண்ணிக்கை 4 லட்சத்து 57 ஆயிரத்தைக் கடந்துள்ளது. இதற்கு அடுத்தபடியாக தமிழ்நாட்டில் கரோனா பாதிப்பு 2 லட்சத்து 68 ஆயிரத்தைத் தாண்டியுள்ளது குறிப்பிடத்தக்கது.