கோவிட்-19 தொற்று இந்தியாவில் மார்ச் மாதம் பரவத் தொடங்கியது. அப்போது இந்தியாவில் நாள் ஒன்றுக்கு 100க்கும் குறைவான கரோனா மருத்துவ பரிசோதனைகள் மட்டுமே மேற்கொள்ளப்பட்டன. அதைத்தொடர்ந்து எடுக்கப்பட்ட பல்வேறு நடவடிக்கைகள் காரணமாக தற்போது ஒரு நாளில் ஒரு லட்சம் மருத்துவ பரிசோதனைகள்வரை மேற்கொள்ளப்படுவதாக இந்திய மருத்துவ ஆராய்ச்சி கழகம் தெரிவித்துள்ளது.
இது குறித்து இந்திய மருத்துவ ஆராய்ச்சி கழகம் வெளியிட்டுள்ள அறிக்கையில், "இரண்டு மாதங்களுக்கு முன் தினசரி 100 பரிசோதனைகள் மட்டுமே மேற்கொள்ளப்பட்டன. தற்போது வெறும் 60 நாள்களில் மருத்துவ பரிசோதனைகள் ஆயிரம் மடங்கு அதிகரிக்கப்பட்டுள்ளது.
ஆராய்ச்சி நிறுவனங்கள், மருத்துவக் கல்லூரிகள், சோதனை ஆய்வகங்கள், விமான நிறுவனங்கள் ஆகியவற்றின் அர்ப்பணிப்பு நிறைந்த பணி காரணமாக மட்டுமே இது சாத்தியமாகியுள்ளது.
கோவிட்-19 பரிசோதனைகளை மேற்கொள்ள ஜனவரி மாதம் புனேவிலுள்ள தேசிய கிருமியியல் நிறுவனம் மட்டுமே இருந்தது. ஆனால் இப்போது நாடு முழுவதும் 555 ஆய்வகங்கள் உள்ளன.