இந்தியாவில் கரோனா தொற்றின் தாக்கம் தொடர்ந்து அதிகரித்துவருகிறது. கரோனா பரவலைக் கட்டுப்படுத்த அரசு பல்வேறு நடவடிக்கைகளை எடுத்துவருகிறது. இருப்பினும் கரோனா பரவலைக் கட்டுப்படுத்த முடியவில்லை.
நாட்டில் கரோனா பரவலைப் புரிந்துகொள்ள இந்திய மருத்துவ ஆராய்ச்சிக் கழகம் சார்பில் பல்வேறு நடவடிக்கைளும் ஆய்வுகளும் நடத்தப்பட்டுவருகின்றன. இந்நிலையில், நாடு முழுவதும் மே 11ஆம் தேதிமுதல் ஜூன் 4ஆம் தேதி வரை நடத்தப்பட்ட serosurveyஇன் முடிவுகள் தற்போது இந்தியன் ஜர்னல் ஆஃப் மெடிக்கல் ரிசர்ச் என்ற இதழில் வெளியிடப்பட்டுள்ளது.
அதில், மே மாதத்தில் இந்திய மக்கள்தொகையில் சுமார் 0.73 விழுக்காட்டினர், அதாவது 64 லட்சத்து 68 ஆயிரத்து 388 பேர் கரோனா தொற்றால் பாதிக்கப்பட்டிருக்கலாம் என்று தெரிவிக்கப்பட்டுள்ளது. இந்திய மக்கள் தொகையில் ஒரு விழுக்காட்டிற்கும் குறைவான நபர்கள் மட்டுமே மே மாதம் கரோனா தொற்றால் பாதிக்கப்பட்டுள்ளது இதன்மூலம் தெளிவாகத் தெரிகிறது.