இந்தியாவில் கரோனா வைரஸின் தாக்கம் நாளுக்கு நாள் அதிகரித்த வண்ணம் உள்ளது. தொற்றால் பாதிக்கப்பட்டோரின் எண்ணிக்கை தினந்தோறும் 70 ஆயிரத்தைத் தாண்டுகிறது. வைரஸைக் கட்டுப்படுத்தும் முயற்சியில் மத்திய, மாநில அரசுகள் தீவிராக களமிறங்கியுள்ளனர்.
இந்தியாவில் 70 லட்சத்தை நெருங்கும் கரோனா பாதிப்பு! - கரோனா வைரஸ்
நாட்டில் கரோனா தொற்று பாதிக்கப்பட்டோரின் எண்ணிக்கை 69 லட்சத்து 6ஆயிரத்து 151 ஆக உள்ளது.
கரோனா
இந்நிலையில், மத்திய சுகாதாரத் துறை அமைச்சகம் வெளியிட்டுள்ள அறிக்கையில், " கடந்த 24 மணி நேரத்தில் 70 ஆயிரத்து 496 பேர் கரோனா தொற்றால் பாதிக்கப்பட்டுள்ளனர். அதே போல், கரோனா பாதிப்பால் சிகிச்சைப் பலனின்றி 964 பேர் உயிரிழந்துள்ளனர். நாட்டில் இதுவரை கரோனா தொற்றால் பாதிக்கப்பட்டோரின் எண்ணிக்கை 69 லட்சத்து 6 ஆயிரத்து 151ஆக அதிகரித்துள்ளது. உயிரிழந்தோரின் எண்ணிக்கை 1 லட்சத்து 6 ஆயிரத்து 151ஆக உயர்ந்துள்ளது. குணமடைந்தோரின் எண்ணிக்கை 59 லட்சத்து 6 ஆயிரத்து 69ஆக உள்ளது" எனக் குறிப்பிட்டுள்ளனர்.
அதிகப்பட்சமாக, மகாராஷ்டிரா மாநிலத்தில் கரோனா வைரஸால் பாதிக்கப்பட்டோரின் எண்ணிக்கை 14 லட்சத்து 93 ஆயிரத்தை கடந்துள்ளது. இதற்கு அடுத்தபடியாக ஆந்திரா மாநிலத்தில் கரோனா பாதிப்பு 7 லட்சத்து 39 ஆயிரமாக உள்ளது. இதுவரை மொத்தமாக 8 கோடியே 46 லட்சம் நபர்களுக்கு கரோனா பரிசோதனை மேற்கொள்ளப்பட்டது. நேற்று(அக்.08) மட்டும் சுமார் 11 லட்சத்து 68 ஆயிரம் பேரின் மாதிரிகள் பரிசோதனை செய்யப்பட்டுள்ளன.