வீடியோ கான்பிரன்சிங் மூலம் நடைபெற்ற செய்தியாளர் சந்திப்பில் நேற்று பேசிய அவர், "கோவிட்-19 வைரஸ் பரவலைக் கட்டுப்படுத்த 21 நாள்கள் அமல்படுத்தப்பட்டுள்ள ஊரடங்கு உத்தரவை வெற்றிகரமாக மாற்றுவதற்கு ஒரே வழிதான் உள்ளது. பிரதமர் நரேந்திர மோடி கேட்டுக்கொண்டது போல் நீங்கள் அனைவரும் இருக்கும் இடத்திலேயே இருக்க வேண்டும். அதுவே ஒரே வழி.
தற்போது ஊரடங்கு உத்தரவு அமல்படுத்தப்பட்டுள்ளதால் ஏராளமானோர் தாங்கள் பணிபுரிந்த நகரங்களிலிருந்து தங்கள் சொந்தக் கிராமங்களுக்குத் திரும்ப முயல்கின்றனர். நான் அவர்களிடம் ஒன்றை மட்டும் கேட்டுக்கொள்கிறேன். தயவுசெய்து நீங்கள் எங்கு தங்கியிருந்தாலும் அதே இடத்தில் இருங்கள்.