காஷ்மீரின் பாரமுல்லா மாவட்டத்தில் வாட்டர்காம் பகுதியிலுள்ள முக்கிய சாலையில் இருந்து ஐ.இ.டி. வகையைச் சேர்ந்த பயங்கர வெடிகுண்டை ராஷ்டிரிய ரைஃபிள்ஸ் பிரிவினரும் உள்ளூர் காவல் துறையினரும் இணைந்து கண்டுபிடித்துள்ளனர்.
இது குறித்து காவல் துறை தரப்பில் கூறுகையில் "ஐ.இ.டி வெடிபொருள் கண்டுபிடிக்கப்பட்டதும், சாலையில் போக்குவரத்து முற்றிலும் நிறுத்தப்பட்டது. வெடிகுண்டு தடுப்புப் பிரிவினர் அந்த ஐ.இ.டி. வெடிகுண்டை பத்திரமாக செயலிழக்கச் செய்தனர்.
இந்தச் சாலையை முக்கிய நபர்களும் பாதுகாப்புப் படையினரும் பயன்படுத்துவார்கள் என்பதை அறிந்து, திட்டமிட்டு அவர்களைக் குறிவைத்து இங்கு இந்த வெடிகுண்டை பயங்கரவாதிகள் வைத்துள்ளனர்" என்றார்.