விபத்திற்குள்ளான இந்திய விமானப்படை விமானம்

சண்டிகர்: இந்திய விமானப் படையின் பயிற்சி விமானம் ஒன்று விபத்துக்குள்ளாகியுள்ளது.

பஞ்சாப் மாநிலம் ஹோஷியார்பூர் மாவட்டத்தில் பயிற்சியில் ஈடுபடுத்தப்பட்டிருந்த இந்திய விமானப் படையின் மிக்-29 வகை விமானம் தொழில்நுட்பக் கோளாறு காரணமாக விபத்துக்குள்ளானது.

விமானத்தை கட்டுப்படுத்த முடியாத விமானி, விமானத்திலிருந்து குதித்ததால் சில காயங்களுடன் உயிர் தப்பினார். இது குறித்து இந்திய விமானப்படை விசாரணை மேற்கொண்டுவருகிறது.

முன்னதாக, இந்திய விமானப்படை ஹெலிகாப்டர் ஒன்று கட்டுப்பாட்டை இழந்து வயலில் தரையிறங்கியது குறிப்பிடத்தக்கது.

இதையும் படிங்க: வயலில் தரையிறங்கிய இந்திய விமானப் படை ஹெலிகாப்டர்!