மகாராஷ்டிரா, ஹரியானா ஆகிய இரு மாநிலங்களின் சட்டப்பேரவைத் தேர்தலுக்கான வாக்குப்பதிவு நேற்று காலை 7 மணிக்குத் தொடங்கி மாலை 6 மணி வரை நடைபெற்றது.
சட்டப்பேரவைத் தேர்தல் வாக்குப்பதிவு: மகாராஷ்டிரா 60%, ஹரியானா 65% - haryana maharastra election polling precentage
மகாராஷ்டிரா, ஹரியானா ஆகிய மாநிலங்களில் நடைபெற்ற சட்டப்பேரவைத் தேர்தலில் மகாராஷ்டிராவில் 60 விழுக்காடும், ஹரியானாவில் 65 விழுக்காடும் வாக்குகள் பதிவாகியுள்ளன.
சட்டப்பேரவைத் தேர்தல்
288 தொகுதிகளைக் கொண்ட மகாராஷ்டிராவில், சுமார் 8.9 கோடி வாக்காளர்களுக்காக 96,661 வாக்குச்சாவடிகள் அமைக்கப்பட்டிருந்தன. சுமார் 6.5 லட்சம் ஊழியர்கள் தேர்தல் பணியில் ஈடுபட்டனர். நேற்று மாலை 6 மணி நிலவரப்படி, 60 விழுக்காடு வாக்குகள் பதிவானதாக தேர்தல் அலுவலர்கள் தெரிவித்தனர்.
90 தொகுதிகளைக் கொண்ட ஹரியானாவில், மொத்தமுள்ள 1.83 கோடி வாக்காளர்களுக்காக 19,578 வாக்குச்சாவடிகள் அமைக்கப்பட்டிருந்தன. மாநிலம் முழுவதும் சுமார் 75,000 வீரர்கள் பாதுகாப்புப் பணியில் ஈடுபடுத்தப்பட்டிருந்தனர். மாலை 6 மணி நிலவரப்படி, சுமார் 65 விழுக்காடு வாக்குகள் பதிவானதாகத் தேர்தல் அலுவலர்கள் தெரிவித்தனர். கடந்த தேர்தலில் இங்கு 76.54 விழுக்காடு வாக்குகள் பதிவாகியிருந்த நிலையில், இந்த தேர்தலில் வாக்குப்பதிவு குறைந்துள்ளது.
TAGGED:
சட்டப்பேரவைத் தேர்தல்