மீண்டெழுமா ஆட்டோ மொபைல் துறை?

டெல்லி: 2020ஆம் ஆண்டு வரை வாங்கப்படும் BS-IV வாகனங்கள் அதன் பதிவு காலம் வரை பயன்படுத்திக் கொள்ளலாம் என மத்திய நிதியமைச்சர் நிர்மலா சீதாராமன் தெரிவித்துள்ளார்.

கடந்த சில ஆண்டுகளாகவே ஆட்டோ மொபைல் துறை சரிவைச் சந்தித்து வருவதாக பொருளாதார வல்லுநர்கள் கூறிவந்தனர். இதற்கு பதிலளிக்கும் வகையில் இன்று நிர்மலா சீதாராமன் செய்தியாளர் சந்திப்பு நடத்தினார்.

காற்று மாசுவை குறைப்பதற்காக அதன் தரநிலை மாற்றியமைக்கப்பட்டு BS-IV வாகனங்களுக்கு பதில் BS-Vl வாகனங்கள் இந்தியா முழுவதும் பயன்பாட்டிற்கு வந்தது. ஆனால், இது ஆட்டோ மொபைல் துறையில் பாதிப்பு ஏற்படுத்தியதால் மார்ச் மாதம் 2020 வரை வாங்கப்படும் BS-IV வாகனங்கள் அதன் பதிவு காலம் வரை பயன்படுத்திக் கொள்ளலாம் என நிர்மலா சீதாராமன் அறிவிப்பு வெளியிட்டுள்ளார்.