கார்கில் போர் 1999ஆம் ஆண்டு நடைபெற்ற பிறகு, முப்படை தலைமை தளபதி பதவியை உருவாக்க கார்கில் ஆய்வுக் குழு பரிந்துரை செய்தது. இருந்தபோதிலும், பின்னர் ஆட்சி அமைத்த அரசுகள் இப்பதவியை உருவாக்காமல் இருந்தது. இதையடுத்து, மோடி தலைமையிலான பாஜக அரசு இப்பதவியை உருவாக்கு முடிவெடுத்து பாதுகாப்புக்கான அமைச்சரவைக் குழு ஒப்புதலும் அளித்தது.
இந்நிலையில், ராணுவத் தளபதியாக இருக்கும் பிபின் ராவத்தை முப்படைகளின் தலைமை தளபதியாக மத்திய அரசு நியமித்தது. இன்று ராணுவ தளபதியாக ஓய்வுபெறவுள்ள பிபின் ராவத், நாளை முப்படைகளின் தளபதியாக பொறுப்பேற்கவுள்ளார். இந்நிலையில், டெல்லியில் உள்ள தேசிய போர் நினைவிடத்தில் பிபின் ராவத் அஞ்சலி செலுத்தினார்.
தேசிய போர் நினைவிடத்தில் பிபின் ராவத் மரியாதை