குடியுரிமை திருத்த சட்டத்திற்கு எதிர்ப்பு தெரிவித்து மக்கள் நாடு முழுவதும் போராட்டங்களில் ஈடுபட்டுவருகின்றனர். இந்த போராட்டத்துக்கு ஆதரவு தெரிவித்த பாலிவுட் நடிகர் பர்ஹான் அக்தர், போராட்டத்தில் வந்து கலந்துகொள்ளும்படி மக்களுக்கு அழைப்பு விடுத்தார். இதற்கு எதிர்ப்பு தெரிவித்த ஐபிஎஸ் அலுவலர் சந்தீப் மிட்டல், "நீங்கள் குற்றத்தில் ஈடுபட்டுள்ளீர்கள். எதிர்பாராதவிதமாக இதை நீங்கள் செய்யவில்லை. சட்டத்தை புரிந்து கொள்ளுங்கள்" என பதிவிட்டார்.
இதையடுத்து, அடல்ட் படங்களை சந்தீப் மிட்டல் ட்விட்டரில் லைக் செய்துள்ளதை நெட்டிசன்கள் வெளியிட்டனர். பின்னர் பதிவிட்ட மிட்டல், "பர்ஹான் அக்தரை கேள்வி கேட்டதால் என் சமூக வலைதள பக்கம் ஹேக் செய்யப்பட்டுள்ளது. ஹேக் செய்தவர்கள் மீது புகார் அளித்துள்ளேன். இதுபோன்ற சமூக விரோதிகளிடம் சிக்கமாட்டேன்" என பதிவிட்டார்.