கேரள மாநிலத்தில் கருவுற்ற யானை வெடிபொருள் நிரப்பப்பட்ட உணவை உண்டு பலியான சம்பவம் நாடு முழுவதும் பெரும் அதிர்வலைகளை ஏற்படுத்தியது. அந்த சம்பவத்தின் சுவடு மறைவதற்குள்ளாக கேரளாவில் மீண்டும் விலங்குகள் கொடுமைப்படுத்தப்படும் செய்தி வெளிவந்துள்ளது.
வாயில் டேப் - 2 வாரங்களாக பட்டினியால் தவித்த நாய்! - நாயின் வாயில் டேப் சுற்றி சித்திரவதை
திருவனந்தபுரம்: கேரளாவில் நாய் ஒன்றின் வாயை டேப்பால் சுற்றிவைத்து இரண்டு வாரங்களாக கொடுமைப்படுத்திய சம்பவம் அரங்கேறியுள்ளது.
dog-with-its-mouth-sealed-by-tape-for-2-weeks-rescued-in-kerala
கேரள மாநிலம் திருச்சூர் மாவட்டத்தில் நாய் ஒன்று வாயில் டேப் சுற்றியபடி இரண்டு வாரங்கள் நடமாடியுள்ளது. வாயில் டேப் சுற்றப்பட்டதால் எதுவும் உண்ண முடியாமல் அவதிப்பட்டுள்ளது. இந்த செய்தி விலங்கு நல ஆர்வலர்களுக்கு தெரியவந்ததையடுத்து இந்த நாய் மீட்கப்பட்டது.
மீட்கப்பட்ட அந்த நாய் தற்போது விலங்குகள் காப்பகத்தில் அனுமதிக்கப்பட்டு, பராமரிக்கப்பட்டுவருகிறது. கடவுளின் தேசமாக அறியப்படும் கேரளாவில் விலங்குகள் துன்புறுத்தப்படும் செய்திகள் தொடர்ந்து வருவது அதிர்ச்சியை ஏற்படுத்தியுள்ளது.