காரைக்கால் சாலைகளுக்கு விரைவில் கலைஞர் கருணாநிதியின் பெயர்!

புதுச்சேரி: காரைக்காலில் உள்ள சாலைகளுக்கு மறைந்த திமுக தலைவர் கருணாநிதி பெயரினை சூட்ட புதுச்சேரி துணைநிலை ஆளுநர் கிரண்பேடி ஒப்புதல் அளித்துள்ளார்.

மறைந்த திமுக தலைவர் கருணாநிதியின் புகழைப் போற்றும் வகையில் காரைக்கால் முதல் புதுச்சேரி வரையில் அமைக்கப்படும் 100 அடி சாலையில் உள்ள இந்திராகாந்தி சிலை - ராஜீவ்காந்தி சிலை வரைக்குட்பட்ட பகுதிக்கு கலைஞர் கருணாநிதி சாலை என்று பெயர் சூட்ட, அம்மாநில அமைச்சரவையில் கடந்த ஆண்டு முடிவு எடுக்கப்பட்டது.

அதேபோல காரைக்கால்-திருநள்ளாறு புறவழிச்சாலைக்கும் அவரது பெயரைச் சூட்ட முடிவு எடுக்கப்பட்டிருந்தது. இந்நிலையில் இதற்கான கோப்புக்கு ஒப்புதல் அளித்துள்ளதாக துணைநிலை ஆளுநர் கிரண்பேடி தெரிவித்துள்ளார்.