சொத்து குவிப்பு வழக்கு; ஜனவரி 27 விடுதலையாகிறார் சசிகலா?

சொத்து குவிப்பு குற்றச்சாட்டில் நான்கு ஆண்டு சிறைத்தண்டனை அனுபவித்து வரும் மறைந்த முதலமைச்சர் ஜெயலலிதாவின் நெருங்கிய உதவியாளரும் தோழியுமான சசிகலா, தண்டனை காலம் முடிவடைந்த நிலையில் சிறையில் இருந்து தன்னை விடுவிக்க கோரியுள்ளார் என்று அதிகாரப்பூர்வ வட்டாரங்கள் புதன்கிழமை தெரிவித்துள்ளன.

பெங்களூரு: கர்நாடக மாநிலம் பெங்களூரு பரப்பன அக்ரஹாரா சிறையில் அடைக்கப்பட்டுள்ள சசிகலா, 2021 ஜனவரி 27 ஆம் தேதி சிறப்பு நீதிமன்றத்தில் ரூ .10 கோடி அபராதம் செலுத்திய பின்னர் வெளியே வருவார் என்று எதிர்பார்க்கப்படுகிறது.

அவருக்கு நெருக்கமான வட்டாரங்களின்படி, அவர் தனது சிறைத் தண்டனையை விரைவில் விடுவிக்க விண்ணப்பித்துள்ளார். சிறை அதிகாரிகள் அவரது விண்ணப்பத்தை உயர் அதிகாரிகளுக்கு அனுப்பியுள்ளனர். எனினும் இதுதொடர்பாக அலுவலர்கள் இன்னும் முடிவெடுக்கவில்லை எனவும் கூறப்படுகிறது.

முறையற்ற சொத்துகுவிப்பு வழக்கில் சசிகலா மற்றும் அவரது நெருங்கிய உறவினர்கள் இருவருக்கும் எதிரான விசாரணை முடிவடைந்த நிலையில் ப்ரவரி 15, 2017 அன்று கர்நாடக நீதிமன்றத்தில் சசிகலா சரணடைந்தார்.

பின்னர் பரப்பனா அக்ரஹாரா மத்திய சிறையில் அடைக்கப்பட்டார். அவரது இரண்டு உறவினர்களும் நான்கு ஆண்டுகள் சிறைவாசம் அனுபவித்து வருகின்றனர்.

மேலும் அவர்கள் மூவருக்கும் தலா ரூ.10 கோடி அபராதம் விதிக்கப்பட்டுள்ளது. இந்த வழக்கில் முதல் குற்றவாளியாக இருந்த ஜெயலலிதா 2016 ல் இறந்தவுடன், அவருக்கு எதிராக கர்நாடகா மேல்முறையீடு செய்தது.

விதிமுறைகளின்படி, ஒவ்வொரு மாதமும் சிறையில் நல்ல நடத்தைக்கு மூன்று நாள்கள் நிவாரணம் கிடைக்கிறது. அந்தவகையில் சசிகலா இதுவரை 43 மாதங்களை நிறைவு செய்துள்ளார், 135 நாட்கள் சிறைவாசம் குறைக்க தகுதியுடையவர் ஆவார் என்பது குறிப்பிடத்தக்கது.

இதையும் படிங்க: 'சசிகலா விடுதலைக்குப் பின்....' - ஜெயானந்த் திவாகரன் பேட்டி