மேற்கு வங்க தலைநகர் கொல்கத்தாவில் நடந்த நிகழ்ச்சி ஒன்றில் பேசிய அம்மாநில முதலமைச்சர் மம்தா பானர்ஜி, "டெல்லியில் நடந்த கலவரம் எங்களைச் சோகத்தில் ஆழ்த்தியுள்ளது. அதனை நாங்கள் வன்மையாகக் கண்டிக்கிறோம். இது மத்திய அரசால் திட்டமிட்டு நடத்தப்பட்ட படுகொலை என நினைக்கிறேன். நம்மிடையே நிலவும் அகம்பாவத்தைத் தள்ளிவைக்க வேண்டும். மக்களுடன் பேச வேண்டும்.
டெல்லியில் வன்முறையைத் தூண்டும் வகையில் முழுக்கமிட்ட பாஜக தலைவர்கள், இன்னும் கைது செய்யப்படவில்லை. இதுபோன்ற முழக்கங்களை எழுப்பிய மூன்று பாஜக தொண்டர்கள் நேற்றிரவு கொல்கத்தாவில் கைது செய்யப்பட்டுள்ளனர்.