கடந்த டிசம்பர் மாதம் நாடாளுமன்றத்தில் குடியுரிமை திருத்தச் சட்டத்தை மத்திய பாஜக அரசு நிறைவேற்றியது. இதற்கு எதிர்ப்பு தெரிவித்து நாடு முழுவதும் தொடர்ந்து போராட்டங்கள் நடைபெற்றுவருகின்றன.
குறிப்பாக, வடகிழக்கு டெல்லியிலுள்ள ஷாகீன் பாக் பகுதியில் மாதக் கணக்கில் அமைதியான முறையில் மக்கள் போராட்டம் நடத்திவந்தனர். இந்நிலையில், யாரும் எதிர்பாராத வகையில், கடந்த வாரம் டெல்லியில் திடீரென்று கலவரம் வெடித்தது.
இந்த கலவரத்தில் இதுவரை 42 பேர் உயிரிழந்துள்ளனர். மேலும், நூற்றுக்கும் அதிகமானோர் காயமடைந்தனர். இந்த வன்முறை சம்பவங்களால் டெல்லி முழுவதும், பெரும் பதற்றமான சூழ்நிலை உருவாகியுள்ளது.