டெல்லி சட்டப்பேரவைக்கு வரும் பிப்ரவரி 8ஆம் தேதி தேர்தல் நடத்தப்பட்டு, பிப்ரவரி 11ஆம் தேதி முடிவுகள் அறிவிக்கப்படவுள்ளன. வேட்புமனு தாக்கல் செய்ய செவ்வாய்க்கிழமை (ஜனவரி 21) கடைசி நாளாகும்.
70 இடங்களைக் கொண்டிருக்கும் டெல்லி சட்டப்பேரவைக்கு ஏற்கனவே 61 வேட்பாளர்களை இரண்டு கட்டங்களாக காங்கிரஸ் கட்சி அறிவித்திருந்தது. இந்நிலையில், வேட்புமனு தாக்கல் செய்ய கடைசி நாளான இன்று, இறுதி வேட்பாளர் பட்டியலை காங்கிரஸ் வெளியிட்டுள்ளது.