டெல்லியில் காற்றின் மாசு நிர்ணயிக்கப்பட்ட அளவைத் தாண்டி அபாய நிலையை அடைந்ததைத் தொடர்ந்து, அங்கு பொது சுகாதார அவசர நிலை பிரகடனம் அறிவிக்கப்பட்டுள்ளது. இதனால், அங்கு கட்டட வேலைகள் மேற்கொள்ளக் கூடாது என உச்ச நீதிமன்றத்தால் அமைக்கப்பட்ட சுற்றுச்சூழல் மாசு கட்டுப்பாட்டு வாரியம் அறிவித்துள்ளது.
சுவாசிப்பதற்குகூட சிரமப்படும் மக்கள், காசியாபாத்தில் முகமூடி அணிந்து கொண்டு நடைபயிற்சி மேற்கொண்டனர். நவம்பர் 5ஆம் தேதிவரை பள்ளிகளுக்கு விடுமுறை அறிவிக்கப்பட்ட நிலையில், அலுவலங்களின் பணி நேரத்தை தளர்த்த டெல்லி அரசு திட்டமிட்டு வருவதாகவும் கூறப்படுகிறது.