சீனாவின் வூஹான் நகரில் தோன்றி உலகையே அச்சுறுத்திவரும் கொரோனா வைரஸின் தாக்கம் இன்னும் குறைந்தபாடில்லை. சீனாவில் இந்த வைரஸால் பல்லாயிரக்கணக்கானோர் பாதிக்கப்பட்டுள்ளனர். கொரோனா வைரஸ் வேகமாகப் பரவிவருவதால், நாளுக்கு நாள் உயிரிழப்பின் எண்ணிக்கையும் அதிகரித்த வண்ணமே உள்ளது. கடந்த 24 மணி நேரத்தில், ஹூபேயில் கொரோனா வைரஸ் நோயால் 96 பேர் உயிரிழந்துள்ளனர். அதே சமயம் 15,299 பேர் இந்த நோயிலிருந்து மீண்டுள்ளனர்.
இந்நிலையில், கொரோனாவுக்கு உயிரிழந்தோர் எண்ணிக்கை 2 ஆயிரத்து 346 ஆக உயர்ந்திருப்பதாக சீன அரசு தெரிவித்துள்ளது. 60,000 பேர் பாதிக்கப்பட்டுள்ள நிலையில், 12 ஆயிரத்துக்கும் மேற்பட்டோரின் நிலைமை கவலைக்கிடமாக இருப்பதாகவும் தகவல்கள் வெளியாகி உள்ளன.