டெல்லி மௌலானா சாத் விவகாரம் தொடர்பாக டெல்லி காவல் துறை குற்றப் பிரிவு மூத்த அலுவலர் ஒருவர் தெரிவிக்கையில், “மௌலானா சாத், காவலர்கள் கேள்வி கேட்பதைத் தவிர்க்கும் வகையில் சாக்குப்போக்குகளைத் தெரிவிக்கக்கூடும்.
மேலும் அவர் தனிமைப்படுத்துதலில் இருந்து தற்போதுதான் வந்துள்ளார். சமய மாநாடு நடந்த அமைப்பின் தற்போதைய நிலை குறித்தும் அவருக்கு தெரிய வாய்ப்பில்லை. ஆகவே இது தொடர்பாக மருத்துவர்களின் ஆலோசனையை எதிர்நோக்கியுள்ளோம்” என்றார்.
மேலும், “சம்மந்தப்பட்ட மௌலானா முன்பிணை (ஜாமீன்) வேண்டி நீதிமன்றத்தில் விண்ணப்பித்திருக்கலாம்” என்றும் தெரிவித்தார். மௌலானாவிடம் இதுவரை விசாரணை நடத்தாமல் காத்திருந்ததற்கு சுகாதார விதிகள் அமலில் இருந்ததே காரணம் என்றும் அவர் தெரிவித்தார்.