இந்தியாவில் கரோனா பாதிப்புக்கு 109 பேர் உயிரிழப்பு!

டெல்லி: இந்தியாவில் கரோனா பாதிப்புக்கு 109 பேர் உயிரிழந்துள்ளனர். நான்கு ஆயிரத்து 67 பேர் பாதிக்கப்பட்டுள்ளனர் என சுகாதார அமைச்சகம் அதிகாரப்பூர்வமாக அறிவித்துள்ளது.

நாட்டில் கரோனா (கோவிட்-19) வைரஸ் பாதிப்பு குறித்து இன்று (திங்கட்கிழமை) காலை 9 மணிக்கு மத்திய சுகாதார அமைச்சகம் வெளியிட்டுள்ள அதிகாரப்பூர்வ புள்ளிவிவர தகவலில் கூறப்பட்டுள்ளதாவது:-

நாட்டில் நான்காயிரத்து 67 பேர் கரோனா (கோவிட்19) பாதிப்பு உள்ளது. இந்த வைரஸ் பாதிப்புக்கு 109 பேர் உயிரிழந்துள்ளனர். 291 பேர் சிகிச்சைக்கு பின்னர் வீடு திரும்பியுள்ளனர்.

நாட்டிலேயே அதிகப்பட்சமாக மகாராஷ்டிராவில் கரோனாவுக்கு 45 பேரும், குஜராத்தில் 11 பேரும், மத்தியப் பிரதேசத்தில் ஒன்பது பேரும், தெலங்கானா மற்றும் டெல்லியில் தலா ஏழு பேரும், தமிழ்நாடு, பஞ்சாபில் தலா ஒருவரும் உயிரிழந்துள்ளனர்.

கர்நாடகாவில் உயிரிழப்பு நான்கு ஆக உள்ளது. மேற்கு வங்கம் மற்றும் ஆந்திராவில் தலா மூன்று பேரும், ஜம்மு காஷ்மீர், உத்தரப் பிரதேசம் மற்றும் கேரளத்தில் தலா இருவரும், பிகார், இமாச்சலப் பிரதேசம் மற்றும் ஹரியானா ஆகிய மாநிலங்களில் தலா ஒருவரும் உயிரிழந்துள்ளனர்.

கரோனா பாதிப்பு மாநிலங்கள் வாரியாக

எண்	மாநிலங்கள்	கோவிட்-19 பாதிப்பு
01	மகாராஷ்டிரா	690
02	தமிழ்நாடு	571
03	டெல்லி	503
04	தெலங்கானா	321
05	கேரளா	314
06	ராஜஸ்தான்	253
07	உத்தரப் பிரதேசம்	227
08	ஆந்திரா	226
09	மத்தியப் பிரதேசம்	165
10	கர்நாடகா	151
11	குஜராத்	122
12	ஜம்மு காஷ்மீர்	106
13	ஹரியானா	84
14	மேற்கு வங்காளம்	80
15	பஞ்சாப்	68
16	பிகார்	30
17	அசாம்	26
18	உத்ரகாண்ட்	26
19	ஒடிசா	21
20	சண்டிகர்	18
21	லடாக்	14
22	இமாச்சலப் பிரதேசம்	13
23	அந்தமான் தீவுகள்	10
24	சத்தீஸ்கர்	09
25	கோவா	07
26	புதுச்சேரி	05
27	ஜார்க்கண்ட்	03
28	மணிப்பூர்	03
29	மிசோரம்	01
30	அருணாச்சலப் பிரதேசம்	01

இந்தத் தகவல்கள் மத்திய அரசின் சுகாதாரத் துறை அமைச்சக இணையதளத்தில் கொடுக்கப்பட்டுள்ளது.