அயோத்தியில் ராமர் கோயில் கட்டும் பணிகள் தொடக்கம்!

அயோத்தியில் ராமர் கோயில் கட்டும் பணிகள் தொடங்கியுள்ளன.

அயோத்தி:ஸ்ரீ ராம ஜென்ம பூமியில் கோயில் கட்டுவதற்கான பணிகள் தொடங்கி விட்டதாகவும், பொறியியலாளர்கள் அப்பகுதியில் மண் பரிசோதனையில் ஈடுபட்டுள்ளதாகவும் ஸ்ரீ ராம ஜென்ம பூமி தீர்த்த க்ஷேத்ரா ட்விட்டரில் அதிகாரப்பூர்வமாக தெரிவிக்கப்பட்டுள்ளது.
நாட்டின் பழமையான மற்றும் பாரம்பரிய கட்டுமான முறைகளை பின்பற்றி இந்தக் கோயில் கட்டப்பட உள்ளது. மேலும். இது பூகம்பம், புயல் போன்ற இயற்கை சீற்றங்களில் இருந்தும் தன்னை தற்காத்துக்கொள்ளும் வகையில் இது கட்டப்படுகிறது.
முக்கியமாக, 'இந்தக் கோயில் கட்டுமானத்தில் இரும்பு பயன்படுத்தப்படாது' என்று மைக்ரோ பிளாகிங் தளத்தில் கோவில் அறக்கட்டளை தெரிவித்துள்ளது. கோவில் கட்டுமானத்திற்கு, செப்பு தகடுகளை உருக்கி கற்களை இணைக்க பயன்படுத்தப்படும்.

இந்த தட்டுகள் 18 அங்குல நீளமும், 30 மிமீ அகலமும் 3 மிமீ தடிமன் கொண்டதாகவும் இருக்கும். கட்டுமானத்திற்கு பத்தாயிரம் தகடுகள் தேவைப்படலாம் என்று தெரிவிக்கப்பட்டுள்ளது. இதுபோன்ற செப்புத் தகடுகளை அறக்கட்டளைக்கு நன்கொடையாக வழங்குமாறு ஸ்ரீ ராம பக்தர்களுக்கு நாங்கள் அழைப்பு விடுக்கிறோம் என்றும் ஸ்ரீ ராம ஜென்மபூமி கோயில் தீர்த்த க்ஷேத்ரா மற்றொரு ட்விட்டர் பதிவில் குறிப்பிட்டுள்ளது.

ஆகஸ்ட் 5ஆம் தேதி ராம ஜென்ம பூமியில் நடைபெற்ற பூமி பூஜையில் கலந்துகொண்டு பிரதமர் நரேந்திர மோடி அடிக்கல் நாட்டினார்.

இந்நிகழ்ச்சியில், உத்தரப் பிரதேச முதலமைச்சர் யோகி ஆதித்யநாத், ஆளுநர் ஆனந்திபென் படேல் மற்றும் ராஷ்ட்ரிய சேவா சங்கத் தலைவர் மோகன் பகவத் உள்ளிட்ட பலரும் கலந்துகொண்டனர் என்பது நினைவு கூரத்தக்கது.

இதையும் படிங்க:ஸ்ரீ ராம ஜென்ம பூமி இயக்கம் ஒரு பார்வை!