ஜூன் 23ஆம் தேதி கூடுகிறது காங்கிரஸ் செயற்குழு

பெரோல் - டீசல் விலை உயர்வு, கரோனா தாக்கம், எல்லையில் பதற்றம் ஆகியவை குறித்து ஆலோசனை நடத்த ஜூன் 23ஆம் தேதி காங்கிரஸ் செயற்குழு கூட்டம் நடைபெற உள்ளது.

டெல்லி: காங்கிரஸ் தலைவர் சோனியா காந்தி தலைமையில் ஜூன் 23ஆம் தேதி அக்கட்சியின் செயற்குழு கூட்டம் நடைபெறுகிறது.

காங்கிரஸ் ஆளும் மாநிலங்களின் முதலமைச்சர்கள், கட்சியின் உயர்மட்ட தலைவர்கள் இணைய காணொலி காட்சி வாயிலாக இக்கூட்டம் நடைபெறும் என்று தெரிவிக்கப்பட்டடுள்ளது. எல்லையில் பதற்றத்தை தணிக்க அனைத்துக் கட்சியினருடன் ஆலோசனை நடத்தும் படி ஆளும் பாஜக அரசுக்கு காங்கிரஸ் கட்சி கோரிக்கை விடுத்திருந்தது.

அதுமட்டுமல்லாமல், கச்சா எண்ணெய் விலை சரிந்ததை அடுத்தும், பெட்ரோ - டீசல் விலையை மத்திய அரசு குறைக்காததை கண்டித்து, பிரதமர் நரேந்திர மோடிக்கு, காங்கிரஸ் தலைவர் சோனியா காந்தி கடிதமும் எழுதியிருந்தார் என்பது குறிப்பிடத்தக்கது.