இந்தியாவில் தடை செய்யப்பட்ட பயங்கரவாத இயக்கமான லஷ்கர்-ஈ-தொய்பா அமைப்பினால் பாகிஸ்தானில் பயிற்சி அளிக்கப்பட்டு மும்பையில் தாக்குதல் நடத்த 10 பயங்கரவாதிகள் அனுப்ப பட்டனர். பாகிஸ்தானின் கடலோர நகரமான கராச்சியிலிருந்து அதிவேக படகு மூலம் மும்பைக்கு வந்த பயங்கரவாதிகள் கடந்த 2008 ஆம் ஆண்டு நவம்பர் 26 ஆம் தேதி தாக்குதலை நடத்த தொடங்கினர்.
மூன்று நாட்களாக நடைபெற்ற இத்தாக்குதல் சம்பவத்தில் மும்பையின் முக்கிய இடங்களான தாஜ் ஓட்டல், நரிமன் இல்லம், சத்ரபதி சிவாஜி ரயில் நிலையம் என பல இடங்களில் பயங்கரவாதிகள் துப்பாக்கிச்சூடு நடத்தினர். இந்தியா மட்டுமல்லாது உலகம் முழுவதும் அதிர்வலைகளை ஏற்படுத்திய இச்சம்பவத்தில் 166 பேர் உயிரிழந்தனர்.
இதில் சத்ரபதி சிவாஜி ரயில் நிலையத்தில் அஜ்மல் கசாப், இஸ்மாயில் கான் என்ற இரண்டு பயங்கரவாதிகள் நடத்திய கொடூர தாக்குதலில் 58 பேர் கொல்லப்பட்டனர். நூற்றுக்கும் மேற்பட்டோர் படுகாயமடைந்தனர்.