கரோனாவுக்கு மருந்து? முழுவீச்சில் களமிறங்கியுள்ள ஐசிஎம்ஆர் - பிபிஐஎல்

டெல்லி: கரோனாவுக்கு மருந்து கண்டுபிடிக்கும் விதமாக ஐசிஎம்ஆரும் பிபிஐல்-உம் கைகோர்த்து பணியாற்றத் தொடங்கியுள்ளது.

உலகையே அச்சுறுத்தி வரும் கரோனா வைரசுக்கு இதுவரை மருந்து கண்டுபிடிக்கப்படாமல் இருந்து வருகிறது. உலகின் பல்வேறு மருந்து தயாரிப்பு நிறுவனங்களும் இதற்கான முயற்சியில் தீவிரமாக ஈடுபட்டு வருகின்றன.

இந்நிலையில், இந்திய மருத்துவ ஆராய்ச்சி கழகமும் (Indian Council of Medical Research - ICMR), பாரத் பயோடெக் நிறுவனமும் (Bharat Biotech International Limited - BBIL) இணைந்து கரோனா வைரஸ் நோய்க்கான மருந்தை கண்டுபிடிக்கும் பணியில் இறங்கியுள்ளன.

இதுகுறித்து நமது ஈடிவி பாரத் ஊடகத்திடம் பேசிய மூத்த அரசு அலுவலர்கள், புனேவில் உள்ள ஆராய்ச்சியகத்தில் இதற்கான பணிகள் நடைபெற்று வருவதாகவும், விரைவில் மருந்து கண்டுபிடிக்கப்படும் எனவும் கூறியுள்ளார்.