புதுச்சேரி: முழு ஊரடங்கு குறித்து மறுபரிசீலனை

புதுச்சேரி: செவ்வாய்க்கிழமை அன்று முழு ஊரடங்கு அறிவிப்பது குறித்து மறுபரிசீலனை செய்து அரசு நடவடிக்கை எடுக்கும் என முதலமைச்சர் நாராயணசாமி தெரிவித்தார்.

புதுச்சேரி முதலமைச்சர் நாராயணசாமி செய்தியாளர்களிடம் கூறியதாவது, கரோனா தொற்றின் தாக்கம் புதுச்சேரியில் கடந்த பத்து நாள்களாக அதிகளவில் உள்ளது. தனியார் மருத்துவக் கல்லூரிகளில் படுக்கைகளை அதிகரிக்க அரசு நடவடிக்கை எடுத்து வருகிறது. புதுச்சேரியில் கரோனா உயிரிழப்பு 1.57 விழுக்காடாக உள்ளது.

புதுச்சேரிக்கு வந்த உலக சுகாதார அமைப்பின் மருத்துவர் செளமியா, 2021ஆம் ஆண்டு ஜனவரிக்கு பிறகு தான் கரோனாவிற்கு மருந்து கிடைக்கும் என தெரிவித்துள்ளார். தற்போதைய சூழலில் கரோனா தொற்றோடு வாழ வேண்டிய சூழல் உள்ளது. மக்கள் தங்களை தனிமைப்படுத்திக்கொள்ள வேண்டும். அரசு மற்றும் மருத்துவர்களை குறை சொல்வது சரியாக இருக்காது. மக்கள் தங்களின் பொறுப்பை உணர்ந்து செயல்பட்டால் கரோனா பரவலை கட்டுப்படுத்த முடியும்.

ஞாயிற்றுக்கிழமை அரசு விழா என்பதால் வருகிற செவ்வாய்க்கிழமை முழு ஊரடங்கை அமல்படுத்த அரசு உத்தரவிட்டுள்ளது. வருகின்ற செவ்வாய்கிழமை மக்களின் நடமாட்டத்தை பார்த்த பிறகு மறு பரிசீலனை செய்வோம். தேவைப்பட்டால் செவ்வாய்கிழமை முழு ஊரடங்கை மறு பரிசீலனை செய்ய அரசு நடவடிக்கை எடுக்கும் என்றார்.

இதையும் படிங்க:தலைவர்கள் உருவாக்கிய சுதந்திரத்தை கொண்டாடி மகிழ்வோம் - ராம்நாத் கோவிந்த்