'பெண்கள் முன்னேற்றத்திற்கு சமூக மனநிலை மாற்றம் அவசியம்'

டெல்லி: நாட்டில் பெண்கள் முன்னேற்றத்திற்கு சமூகத்தின் மனநிலை மாற்றம் தேவைப்படுகிறது என்று குடியரசுத் துணைத் தலைவர் வெங்கையா நாயுடு கூறியுள்ளார்.

இது குறித்து முகநூல் பக்கத்தில் 'பெண்கள் வளர்ச்சி மேம்பட தீண்டாமை ஒழிய வேண்டும்' என்ற தலைப்பில் அவர் வெளியிட்ட அறிக்கை பின்வருமாறு:

"பெண்கள் வளர்ச்சிகாக 'பேட்டி பச்சோ பேட்டி பதோ' (Beti Bachao Beti Padhao) உள்ளிட்ட நலத்திட்டங்களை மத்திய அரசு கொண்டுவந்தாலும் இன்னும் பல்வேறு வளர்ச்சி திட்டங்கள் பெண்கள் முன்னேற்றத்திற்கு தேவைப்படுகிறது.

50 விழுக்காடு பெண்கள் இருக்கக் கூடிய நாட்டில், அவர்கள் பங்களிப்பு அரசியல் உள்பட மற்றத் துறைகளில் குறைவாகவே உள்ளது. இதை களையை பாலினம் வேறுபாடு என்னும் தீண்டாமையை நாம் ஒழிக்க வேண்டும். நாடாளுமன்றத்திலும், மாநில சட்டப்பேரவைகளிலும் போதிய அளிவு பெண்களுக்கு முன்னுரிமை அளிக்க வேண்டும், இதற்கு அனைத்துக் கட்சிகளும் ஒத்துழைப்பு தர வேண்டும்.

2001-2007ஆம் ஆண்டு காலம்வரை நாட்டில் பிறக்கும் பெண் குழந்தைகளின் எண்ணிக்கை குறைவாகவே இருந்துள்ளது. இது விவாதிக்கக்கூடிய முக்கியமான பிரச்னையாகும். குடும்பங்களிலும் ஆண் குழுந்தை மட்டும் எதிர்பார்ப்பது, திருமணத்தில் பெண்களுக்கு வரதட்சணை கேட்பது உள்ளிட்ட சமூகத்தின் பெரும் நோய்த்தொற்றாக இருக்கும் இந்த மனநிலைகள் மாற்றப்படவேண்டும்.

நாட்டில் பிறந்த ஒவ்வொரு குடிமகனும் இப்பிரச்னையைத் தீர்ப்பதற்கு உரிமை உண்டு. அதன் விளைவாக பெண்களுக்கு எதிராக நடக்கும் தீண்டாமைகள் ஒழிக்கப்பட்டு இந்தியா ஒரு வளமான நாடாக எதிர்காலத்தில் உருவாகும்" எனக் கூறப்பட்டிருந்தது.

இதையும் படிங்க:தாவூத் இப்ராஹிம் நாடு கடத்தப்படுவதற்கு அழுத்தம் கொடுக்க வேண்டும்: முன்னாள் சிபிஐ இணை இயக்குநர்