'இந்திய ராணுவத்தில் மூன்றாவது துணைத் தலைவர் பதவிக்கு ஒப்புதல்'

டெல்லி: இந்திய ராணுவத்தில் மூன்றாவது துணைத் தலைவர் பதவிக்கு மத்திய அரசு ஒப்புதல் அளித்து கடிதம் வெளியிட்டுள்ளது.

இந்திய ராணுவத் தலைமையக மறுசீரமைப்பின் ஒரு பகுதியாக, மூன்றாவது ராணுவ துணைத் தலைவர் என்ற புதிய பதவியை உருவாக்குவதற்கு மத்திய அரசு ஒப்புதல் அளித்துள்ளது. 2017ஆம் ஆண்டு, இந்தியா-சீனா டோக்லாம் நெருக்கடியின்போது, மேலும் ஒரு ராணுவ துணைத்தலைவர் தேவை என உணரப்பட்டது.

அதனால் மூன்றாவது துணைத் தலைவர் பதவியை உருவாக்கத் திட்டமிடப்பட்டது. அதைத்தொடர்ந்து, தற்போது ஒப்புதல் அளிக்கப்பட்டது. இதன் மூலம் ராணுவ நடவடிக்கைகளில் துணைத் தலைவர் பணிச் சுமையை குறைக்க முடியும்.

இந்த மூன்றாவது துணைத் தலைவர்களுக்கு இந்திய ராணுவ இயக்குநர், லெப்டினன்ட் ஜெனரல் பரம்ஜித் சிங் தலைமை வகிப்பார். இவர்களின் கீழ், ராணுவ உளவுத்துறை மற்றும் ராணுவ நடவடிக்கைகளுக்கான பொறுப்பாளர்கள் உள்ளிட்ட முக்கியமான அலுவலர்கள் செயல்படுவர்.

இதையும் படிங்க:பாகிஸ்தான் பயங்கரவாதிகள் ஊடுருவல் தடுக்கப்பட்டுள்ளது - இந்திய ராணுவம்