மாநிலங்களவைத் தேர்தல் மார்ச் 26ஆம் தேதி நடைபெறவுள்ளது. பாஜக சார்பில் போட்டியிடும் வேட்பாளர் பட்டியலை அக்கட்சி இன்று வெளியிட்டுள்ளது. காங்கிரஸ் கட்சியிலிருந்து விலகி பாஜகவில் இணைந்த ஜோதிராதித்ய சிந்தியா அப்பட்டியலில் இடம்பெற்றுள்ளார். பாஜகவை சேர்ந்த 11 பேரையும், கூட்டணி கட்சிகள் இரண்டு பேரையும் வேட்பாளராக அறிவித்துள்ளது.
ஜார்கண்ட் மாநிலத்தை பொறுத்தவரை மாநிலத் தலைவர் தீபக் பிரகாஷ், ரமிலாபேன் பாரா ஆகியோர் வேட்பாளராக அறிவிக்கப்பட்டுள்ளனர். குஜராத் மாநிலத்திலிருந்து அபய் பரத்வாஜ், மகாராஷ்டிரா மாநிலத்திலிருந்து உதயன் ராஜே போஸ்லே, கூட்டணி கட்சி வேட்பாளராக ராம்தாஸ் அத்வாலே ஆகியோர் வேட்பாளராக அறிவிக்கப்பட்டுள்ளனர்.