மேற்கு வங்கத்தில் தொழிற்சங்கங்கள் பல்வேறு கோரிக்கைகளை வலியுறுத்தி 'பாரத் பந்த்' என்ற பெயரில் முழு அடைப்பு போராட்டம் நடத்திவருகின்றனர். இந்தப் போராட்டத்திற்கு ஆதரவாக இந்திய தொழிற்சங்கங்களின் மையம் (Centre of Indian Trade Unions), இந்திய தேசிய தொழிற்சங்க காங்கிரஸ் ( Indian National Trade Union Congress) உள்ளிட்ட பத்து மத்திய தொழிற்சங்கங்கள் வேலைநிறுத்தத்தில் பங்கேற்றுள்ளன. இதில், தொழிற்சங்கம் பாரதிய மஸ்தூர் சங்கம் (Bharatiya Mazdoor Sangh) மட்டும் பங்கேற்கவில்லை.
போராட்டக்காரர்கள் கொல்கத்தாவின் ஹவுரா, காஞ்ச்ராபரா ரயில் நிலையங்களை முற்றுகையிட்டு போராட்டம் நடத்தினர். அவர்கள் அரசுக்கு எதிராகச் சுவரொட்டிகள், பதாகைகள் வைத்துகொண்டு கோஷங்களை எழுப்பினர். இதனால், பல ரயில்கள் ரயில் நிலையங்களில் நிறுத்திவைக்கப்பட்டுள்ளன.
மேற்கு வங்கத்தில் பாரத் பந்த்