கல்லூரி கட்டணம் செலுத்தவந்த பெண்ணை வன்புணர்வு செய்தவர் கைது

கல்லூரி கட்டணம் செலுத்துவதற்காக வேறு மாநிலத்திலிருந்து பெங்களூரு வந்த இளம்பெண்ணை பாலியல் வன்புணர்வு செய்து கொன்ற நபரை காவல் துறையினர் கைதுசெய்துள்ளனர்.

பெங்களூரு:கல்லூரிக்கு கட்டணம் செலுத்தவந்த பெண்ணை பாலியல் வன்புணர்வு செய்து கொன்ற நபரை காவல் துறையினர் கைது செய்துள்ளனர்.

பெங்களூருவில் உள்ள தனியார் கல்லூரியில் படிக்க வேறு மாநிலத்தைச் சேர்ந்த பெண் ஒருவர் சேர்ந்துள்ளார். நிலுவையில் உள்ள கட்டணத்தைச் செலுத்த அவர் பெங்களூரு வந்துள்ளார்.

இதையடுத்து தனது நண்பர் ஒருவரை உதவிக்காக அழைத்துள்ளார். அங்கு வந்த அந்நபர் விஜயநகர் பகுதியில் உள்ள தனது அறைக்கு அழைத்துச் சென்று அந்தப் பெண்ணை பாலியல் வன்புணர்வு செய்து கொன்றுள்ளார்.

இதனைத் தொடந்து கொலைசெய்த பெண்ணை தனியார் மருத்துவமனைக்கு கொண்டுசென்று அவர் மயக்கமடைந்ததாகத் தெரிவித்தார். இதனால் சந்தேகமடைந்த மருத்துவமனை ஊழியர்கள் பந்தாரஹள்ளி காவல் துறையினருக்குத் தகவல் அளித்தனர்.

இதையடுத்து பந்தாரஹள்ளி காவல் துறையினர் அந்நபரை கைதுசெய்து வழக்குப்பதிந்து, கொலை குறித்து விசாரணை மேற்கொண்டுவருகின்றனர்.

இதையும் படிங்க...பாஜக மூத்த தலைவரின் மருமகனை கடத்தி கொல்ல முயற்சி?