மகாராஷ்டிரா மாநிலத்தில் சிலிண்டர் வெடித்து 13 பேர் காயம்

மும்பை: ஹனுமான் சாவல் கடைத்தெரு பகுதியில் சிலிண்டர் வெடித்து சிதறியதில் 13 பேர் படுகாயமடைந்த சம்பவம் பரபரப்பை ஏற்படுத்தியுள்ளது.

மகாராஷ்டிரா மாநிலம், யோகேஷ்வரி மாவட்டம், ஹனுமான் சாவல் பகுதியில் உள்ள கடைத்தெரு பகுதியில் திடீரென எரிவாயு உருளைகள் வெடித்துச் சிதறியது. இந்த விபத்தில் சுமார் 13 பேர் படுகாயமடைந்தனர்.

தகவலறிந்து சம்பவ இடத்திற்கு வந்த தீயணைப்புத் துறையினர் காயமடைந்தவர்களை மீட்டு சிகிச்சைக்காக அரசு மருத்துவமனைக்கு அனுப்பிவைத்தனர். பின்னர் இது தொடர்பாக காவல் துறையினர் வழக்குப்பதிவு செய்து விசாரணை மேற்கொண்டுவருகின்றனர்.