கர்நாடகா மாநிலத்தில் கடந்த சில நாட்களாக வரலாறு காணாத அளவில் கன மழை பெய்துவருகிறது. இதனால், குழந்தைகள், பெண்கள், பணிபுரிவோர் என அனைத்துத் தரப்பினரின் இயல்பு வாழ்க்கை கடுமையாக பாதிக்கப்பட்டுள்ளது.
வெள்ளத்தில் மூழ்கிய வீடுகள்: பொதுமக்கள் அவதி
இந்நிலையில், பெல்காம் மாவட்டத்திலுள்ள பஞ்சகங்கா ஆற்றில் வெள்ளம் பெருக்கெடுத்து ஓடியதில், அங்க்ரோளி, லிங்கனமாதா, சஞ்சவாடா, தேவலதி உள்ளிட்ட கிராமங்களிலுள்ள வீடுகள் தண்ணீரில் மூழ்கின. குழந்தைகள், பெண்கள், முதியவர்கள் பத்திரமாக மீட்கப்பட்டு வேறு இடங்களில் தங்க வைக்கப்பட்டனர். மேலும், பெங்களூரு-புனே தேசிய நெடுஞ்சாலை தண்ணீரில் மூழ்கியதால் அந்த சாலைகள் தற்காலிகமாக மூடப்பட்டன.