ராம்பூர்: உத்தரப் பிரதே மாநிலம் ராம்பூரில் உள்ள சமாஜ்வாதி கட்சி எம்.பி. ஆசம் கானின் சொகுசு விடுதியை 15 நாள்களுக்குள் இடிக்க வேண்டும் என ராம்பூர் மேம்பாட்டு ஆணையம் நோட்டீஸ் அனுப்பி உள்ளது.
இந்த ரிசார்ட் (சொகுசு விடுதி) அரசு நிலங்களை அபகரித்து கட்டப்பட்டிருப்பது மாவட்ட நிர்வாகம் நடத்திய விசாரணையில் தெரியவந்தது. இந்த இடத்தில் உள்ள நீர்நிலையும் அரசுக்கு சொந்தமானது ஆகும்.
இதையடுத்து இதனை இடிக்க மாவட்ட நிர்வாகம் நோட்டீஸ் அனுப்பி உள்ளது. முன்னதாக ஆக்கிரமிப்பு நிலத்தில் கட்டப்பட்டிருந்த இந்த சொகுசு விடுதியின் சுற்றுச்சுவர் 2019ஆம் ஆண்டு இடிக்கப்பட்டது.