காஷ்மீரின் சிறப்பு தகுதி நீக்கப்பட்ட நாள்:
ஜம்மு காஷ்மீருக்கு சிறப்பு தகுதி வழங்கும் சட்டப்பிரிவு 370 கடந்த ஆண்டு இதே நாள் நீக்கப்பட்டது. இன்று தீவிரவாதிகள் தாக்குதல் நடக்க வாய்ப்புள்ளது என உள்துறை அமைப்பு எச்சரிக்கை விடுத்துள்ளது.
சியோமி டிவி ஸ்டிக் அறிமுகம்:
சியோமி நிறுவனம் தனது எம்ஐ டிவி ஸ்டிக்கை இன்று இந்தியாவில் அறிமுகம் செய்கிறது.
ராமர் கோயில் பூமி பூஜை:
அயோத்தியில் இன்று ராமர் கோயிலுக்கான பூமி பூஜை நடைபெறவுள்ளது. இதில் பிரதமர் மோடி கலந்துகொள்ள இருப்பதால், அங்கு பாதுகாப்பு பலப்படுத்தப்பட்டுள்ளது.
பாபநாசம், சேர்வலாறு அணைகளில் தண்ணீர் திறப்பு:
விவசாயிகளின் வேண்டுகோளை ஏற்று இன்று (ஆகஸ்ட் 5) முதல் ஆகஸ்ட் 14ஆம் தேதிவரை பாபநாசம், சேர்வலாறு அணைகளில் தண்ணீர் திறந்துவிட முதலமைச்சர் எடப்பாடி பழனிசாமி உத்தரவிட்டுள்ளார். அதன்படி இன்று முதல் தண்ணீர் திறக்கப்படும் என எதிர்பார்க்கப்படுகிறது.
தென்மேற்கு பருவமழை வலுவடையும்:
தமிழ்நாட்டில் தென்மேற்கு பருவமழை வலுவடையும் என சென்னை வானிலை ஆய்வு மையம் அறிவித்துள்ளது. அதன்படி இன்று 19 மாவட்டங்களில் பலத்த மழைக்கான வாய்ப்புள்ளது என தெரிவிக்கப்பட்டது.