உத்தரப் பிரதேசத்தில் உள்ள ஏஎம்யூ மருத்துவமனையில் கரோனா அறிகுறிகளுடன் ஒருவர் அனுமதிக்கப்பட்டுள்ளார். அவருக்கு கடந்த மூன்று நாள்களாக மூச்சுத்திணறல், வறட்டு இருமல் இருந்ததாகக் கூறப்படுகிறது. இதையடுத்து, அவரை மருத்துவர்கள் பரிசோதனை செய்தபோது, திடீரென்று சுவாசப் பிரச்னை ஏற்பட்டுள்ளது.
இதையடுத்து, அவருடன் வந்த உறவினர்களிடம் மருத்துவமனையில் வென்டிலேட்டர் வசதி இல்லாத காரணத்தினால், அவரை வேறு மருத்துவமனைக்கு கொண்டு செல்லுமாறு மருத்துவர்கள அறிவுறுத்தியுள்ளார்கள். இதனால், ஆத்திரமடைந்த உறவினர்கள் தகாத வார்த்தைகளால் மருத்துவர்களைத் திட்டியது மட்டுமின்றி, கொலை மிரட்டலும் விடுத்துள்ளனர்.