இது தொடர்பாக இந்திய வானிலை ஆய்வு மையம் குறிப்பிட்டுள்ளதாவது:
தென்கிழக்கு வங்கக்கடலில் நிலவிவந்த ஆம்பன் புயலானது, தற்போது அதிதீவிர புயலாக வலுப்பெற்றது. இது தற்போது தெற்கு வங்கக்கடல் பகுதியில் சென்னைக்கு தெற்கு, தென்கிழக்குத் திசையில் சுமார் 620 கி.மீ. தொலைவிலும், புதுச்சேரிக்கு கிழக்கே 680 கி.மீ. தொலைவிலும் மையம் கொண்டுள்ளது.
இது மே 18 வரை ஒடிசா கடற்கரை நோக்கி நகர்ந்துசெல்லும். மே 19 மேற்குவங்க கடற்கரையை நோக்கி நகர வாய்ப்புள்ளது. இதன் காரணமாக மத்திய வங்கக்கடல் பகுதியில் நாளை மணிக்கு 135 கி.மீ. வேகத்தில் காற்று வீசக்கூடும். இடையிடையே 150 கி.மீ. வேகத்திலும் காற்று வீசக்கூடும்.
தெற்கு, மத்திய வங்கக்கடல் பகுதிக்கு மீனவர்கள் அடுத்த சில தினங்களுக்குச் செல்ல வேண்டாம் என அறிவுறுத்தப்படுகிறது. இந்தப் புயலின் தாக்கத்தால் தமிழ்நாட்டில் ஒருசில இடங்களில் கனமழை பெய்ய வாய்ப்புள்ளது.