கொல்கத்தா:அடுத்த ஆண்டு மேற்கு வங்க சட்டப்பேரவைத் தேர்தல் நடைபெறவுள்ள நிலையில், பாஜக மூத்த தலைவர் அமித்ஷா தீவிர பரப்புரையில் ஈடுபட்டுள்ளார். இரண்டு நாள் பயணமாக நேற்று கொல்கத்தா சென்ற அவர், இன்று மிட்நாபூர், பிர்பும் மாவட்டங்களில் பரப்புரை மேற்கொண்டு வருகிறார்.
மிட்நாபூரில் நடைபெற்ற பரப்புரையின்போது, திரிணாமுல் காங்கிரஸ் முன்னாள் எம்எல்ஏ சுவேந்து அதிகாரி அமித்ஷா முன்னிலையில் பாஜகவில் இணைந்தார். திரிணாமுல் காங்கிரஸ் கட்சியின் முக்கிய தலைவராக இருந்த சுவேந்து அதிகாரி கட்சித் தலைமை மீது அதிருப்தி தெரிவித்து அவரது அமைச்சர் பதவியை ராஜினாமா செய்தார். அதன் பின், எம்எல்ஏ பதவியையும் ராஜினாமா செய்தார்.