கிழக்கு லடாக்கின் பங்கோங் ஏரியில் இந்தியாவிற்கும் சீனாவிற்கும் இடையே மீண்டும் பதற்றம் அதிகரித்துள்ளது. இதையடுத்து, இரண்டு நாள் பயணமாக காஷ்மீர் விரைந்த ராணுவத் தலைமை ஜெனரல் மனோஜ் முகுந்த் நரவனே, இன்று லே பகுதியில் கள நிலவரத்தை ஆய்வு செய்தார்.
இந்தியா, சீனா, திபெத் பிரதேசங்கள் சந்திக்கும் சிக்கிம் முத்தரப்பு சந்திப்புப் பகுதி, ஒரு முக்கியமான பகுதியாக கருதப்படுகிறது. எனவே, சீனாவை ஒட்டியுள்ள எல்லைகளில் துணை ராணுவப் படைகளின் ரோந்துப் பணிகள் அதிகரிக்கப்பட்டுள்ளன.