சாலை விபத்தில் ஒரே குடும்பத்தைச் சேர்ந்த 3 பேர் உயிரிழப்பு!

சித்தூர்(ஆந்திரா): கியாரம்பள்ளி அருகே இருசக்கர வாகனத்தின் மீது சிமெண்ட் லாரி மோதிய விபத்தில் ஒரே குடும்பத்தைச் சேர்ந்த மூன்று பேர் உயிரிழந்தனர்.

ஆந்திர மாநிலம் சித்தூர் மாவட்டம் சின்ன கோட்டிகல்லு கிராமத்தைச் சேர்ந்த தம்பதியினர் சங்கரா - ரெட்டெம்மா. இவர்களுக்கு அகில் என்ற மகன் இருந்துள்ளார். இந்நிலையில், இவர்கள் மூவரும் கடப்பா மாவட்டத்திலுள்ள ராயசோட்டிக்கு இருசக்கர வாகனம் மூலம் சென்றனர்.

அப்போது கியாரம்பள்ளி அருகே பின்னால் சிமெண்ட் மூட்டைகளை ஏற்றி வந்த லாரி, இருசக்கர வாகனத்தின் மீது மோதி விபத்துக்குள்ளானது. இதில், இருசக்கர வாகனத்தில் பயணித்த மூவரும் சம்பவ இடத்திலேயே உயிரிழந்தனர்.

பின்னர் தகவலறிந்து சம்பவ இடத்திற்கு வந்த காவல்துறையினர், உயிரிழந்தவர்களின் உடலை மீட்டு உடற்கூறாய்வுக்காக பிலேரு அரசு மருத்துவமனைக்கு அனுப்பிவைத்தனர். மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர். சாலை விபத்தில் ஒரே குடும்பத்தைச் சேர்ந்த மூன்று பேர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

இதையும் படிங்க:புதுச்சேரியில் அரசு தொழில்நுட்ப பல்கலைக்கழகம் தொடங்க அனுமதி!