2ஜி வழக்கு; ஆ.ராசாவுக்கு நோட்டீஸ்!

2ஜி வழக்கின் மேல்முறையீட்டு மனு தொடர்பான விசாரணையில் ஆஜராகுவது குறித்து ஆ. ராசாவுக்கு டெல்லி உயர் நீதிமன்றம் நோட்டீஸ் அனுப்பி உள்ளது.

டெல்லி: காங்கிரஸ் தலைமையிலான ஐக்கிய முற்போக்கு கூட்டணி அரசில், திமுக எம்.பி. ஆ.ராசா, தொலைத்தொடர்புத் துறை அமைச்சராக இருந்தார். அப்போது நடைபெற்ற அலைக்கற்றை ஒதுக்கீடு விவகாரத்தில் ஒரு லட்சத்து 72 ஆயிரம் கோடி வரை மாபெரும் ஊழல் நடைபெற்றதாக குற்றஞ்சாட்டு எழுந்தது.

இந்த வழக்கின் விசாரணை 2017ஆம் ஆண்டு ஏப்ரல் மாதம் நிறைவுற்றது. இந்நிலையில் டிசம்பர் மாதம் அறிவிக்கப்பட்ட தீர்ப்பில் குற்றஞ்சாட்டப்பட்ட திமுக எம்.பி. ஆ. ராசா உள்பட அனைவரும் நிரபராதி என நீதிபதி ஓ.பி. சைனி உத்தரவிட்டார்.

இந்நிலையில், 2 ஜி வழக்கில் அவர்கள் விடுவிக்கப்பட்டதற்கு எதிரான மேல்முறையீடுகளை முன்கூட்டியே விசாரிக்கக் கோரி அமலாக்கதுறை இயக்குநரகம் டெல்லி உயர் நீதிமன்றத்தில் மனு தாக்கல் செய்துள்ளது.

இந்த மனு தொடர்பாக முன்னாள் தொலைத் தொடர்பு அமைச்சர் ஏ.ராஜா மற்றும் பிறருக்கு உயர் நீதிமன்றம் நோட்டீஸ் அனுப்பியுள்ளது.

இந்த வழக்கு நீதிபதி பிரிஜேஷ் சேதியின் ஒற்றை அமர்வு விசாரணை நடத்தவுள்ளது. முன்னதாக, ஊழல் தடுப்புச் சட்டத்தின் 2018 திருத்தத்தின் காரணமாக மேல்முறையீடு இப்போது 'பயனற்றது' என்று மேல்முறையீடு மனுவுக்கு எதிராகவும் வழக்கு ஒன்று தொடரப்பட்டுள்ளது.

2 ஜி ஸ்பெக்ட்ரம் வழக்கில் குற்றம் சாட்டப்பட்டவர்களில் ஒருவரும், பின்னர் முன்னாள் தொலைத் தொடர்பு அமைச்சர் ஏ.ராஜாவின் தனியார் செயலாளருமான ஆர்.கே.சந்தோலியா இந்த மனுவை தாக்கல் செய்துள்ளார்.

2 ஜி ஸ்பெக்ட்ரம் வழக்கில் குற்றம் சாட்டப்பட்ட ஆ. ராசா, கனிமொழி உள்பட அனைவரையும் விடுவிப்பதை எதிர்த்து சிபிஐ மற்றும் அமலாக்கத்துறை 2018 மார்ச் மாதம் டெல்லி உயர்நீதிமன்றத்தை நாடின என்பது நினைவுக் கூரத்தக்கது.

இதையும் படிங்க :'2ஜி ஊழல் கரையை மறைக்கவே திமுக தீர்மானம்!'