தெலங்கானாவில் சூர்யாபேட்டை மாவட்டத்தில் இளைஞர் ஒருவர் சிறுமியைப் பாலியல் வன்புணர்வு செய்தது மட்டுமின்றி, தீ வைத்துக் கொலை செய்ய முயன்ற சம்பவம் பெரும் அதிர்வலையை ஏற்படுத்தியுள்ளது.
சிறுமியை இளைஞர் ஒருவர், பல நாள்களாக காதலிப்பதாகத் தொந்தரவு செய்து வந்துள்ளார். இதையறிந்த சிறுமியின் பெற்றோர், அந்த இளைஞரை அழைத்து எச்சரித்து அனுப்பியுள்ளனர். கடந்த வெள்ளிக்கிழமை சிறுமி வீட்டில் தனியாக இருந்துள்ளார். இதையறிந்த அந்த இளைஞர், கதவை உடைத்துக் கொண்டு வீட்டுக்குள் சென்று சிறுமியை வலுக்கட்டாயமாக வீட்டின் வெளியே இழுத்து வந்துள்ளார். இதையடுத்து சிறுமியை வலுக்கட்டாயமாக வற்புறுத்தி பாலியல் வன்புணர்வில் செய்துள்ளார். இதுமட்டுமின்றி தீ வைத்து சிறுமியை உயிருடன் கொளுத்தியுள்ளார்.