கர்நாடகாவில் கோர விபத்து - 7 பேர் உயிரிழப்பு

கர்நாடகா அருகே பெலகாவியில் நடந்த சாலை விபத்தில் 7 பேர் பரிதாபமாக உயிரிழந்தனர்.

பெலகாவி:கர்நாடகா மாநிலம்பெலகாவி அருகே குரூசர் வாகனம் (Cruiser Vehicle) கவிழ்ந்ததில் 7 பேர் சம்பவ இடத்தில் பரிதாபமாக உயிரிழந்தனர். மேலும் 11 பேர் பலத்த காயமடைந்துள்ளனர். கோகாக் நகரின் அக்கடங்கியரஹல்லா கிராமத்தில் இருந்து பெலகாவி நோக்கி சொகுசு கார் சென்று கொண்டிருந்தது.

அந்த காரில் 18 பேர் பயணம் செய்ததாக கூறப்படுகிறது. எதிர்பாராவிதமாக ஏற்பட்ட விபத்தில் 7 பேர் உயிரிழந்த சம்பவம் அப்பகுதியினரிடையே பரபரப்பை ஏற்படுத்தியுள்ளது. மேலும் சம்பவ இடத்திற்கு விரைந்த மாரிஹால் போலீசார் மீட்பு பணியில் ஈடுபட்டனர். காயமடைந்தவர்கள் மருத்துவமனைக்கு கொண்டு செல்லப்பட்டுள்ளனர். இறந்தவர்களின் விவரம் இன்னும் வெளியாகவில்லை.

இதையும் படிங்க:தூத்துக்குடியில் 2 பள்ளி மாணவிகள் நீரில் மூழ்கி உயிரிழப்பு