அமராவதி : ஆந்திராவின் நெல்லூர், பிரகாசம், சித்தூர் மற்றும் கடப்பா உள்ளிட்ட மாவட்டங்களில் கனமழை கொட்டித் தீர்த்தது. இந்நிலையில் மழையால் பாதிக்கப்பட்ட குடும்பங்களுக்கு ரூ.1,000 அவசரகால நிவாரணமாக வழங்கப்படும் என்று அம்மாநில முதலமைச்சர் ஜெகன் மோகன் ரெட்டி அறிவித்துள்ளார்.
முன்னதாக மாநிலத்தின் முதலமைச்சர் ஜெகன் மோகன் ரெட்டி, பிரகாசம், நெல்லூர், சித்தூர் மற்றும் கடப்பா உள்ளிட்ட மாவட்ட ஆட்சியர்களுடன் காணொலி வாயிலாக கலந்துரையாடினார்.
அப்போது மழை வெள்ளத்தால் மாவட்டத்தில் ஏற்பட்டுள்ள மோசமான பாதிப்புகள் குறித்து கேட்டறிந்தார். தொடர்ந்து மாநில மற்றும் தேசிய பேரிடர் மீட்புக் குழுவினரின் மீட்புப் பணிகள் குறித்தும் கேள்வியெழுப்பினார்.