கடந்த 2001 சட்டப்பேரவை உழவர்கரை தொகுதியில் தமாக சார்பில் போட்டியிட்ட நமச்சிவாயம் வெற்றி பெற்றார். 2002ஆம் ஆண்டு முதல் முதலாக வேளாண்மைத்துறை அமைச்சராக பதவியேற்றார். 2006 மற்றும் 2011ஆம் ஆண்டு தேர்தலில், காங்கிரஸ் கட்சி சார்பில் அதே தொகுதியில் வெற்றி பெற்றார்.
2016இல் மீண்டும் காங்கிரஸ் சார்பில் மறுசீரமைக்கபட்ட வில்லியனூரில் வெற்றி பெற்று பொதுப்பணி துறை அமைச்சராக பதவி வகித்தார். இதனிடையே காங்கிரஸ் கட்சியிலிருந்து விலகிய அவர், பாஜகவில் இணைந்தார்.
இந்நிலையில் ஆதரவாளர்கள் மத்திய பேசிய அவர், தனிப்பட்ட காரணங்களுக்காக வில்லியனூர் தொகுதிக்கு பதிலாக வேறு தொகுதியில் போட்டியிட உள்ளதாக கண்கலங்கினார். ஆனால் வில்லியனூர் தொகுதி மக்கள் எப்போதும் அணுகலாம் எனறும் அவர் கூறினார்.