தம்தாரி: சத்தீஸ்கர் மாநிலம், மகாசமுந்த் தொகுதியின் முன்னாள் பாஜக எம்பியான சந்துலால் சாஹுவின் மகன், கடந்த சில ஆண்டுகளுக்கு முன்பு உடல்நலக்குறைவு காரணமாக உயிரிழந்துவிட்டார். திருமணமாகி நான்கு ஆண்டுகளில் அவர் இறந்ததாகத் தெரிகிறது. அப்போது அவருக்கு ஒன்றரை வயதில் மகன் இருந்தான்.
இந்த நிலையில், சுமார் 7 ஆண்டுகளாக கணவரை இழந்து, மகனுடன் தனியாக வாழ்ந்து வரும் மருமகள் கல்யாணிக்கு திருமணம் செய்து வைக்க சந்துலால் சாஹு முடிவு செய்தார். மருமகள் மற்றும் பேரனின் எதிர்காலத்தைக் கருத்தில் கொண்டு இந்த முடிவை எடுத்தார்.
அதன்படி, தனது மனைவியை இழந்து மகளுடன் வாழ்ந்து வந்த டாக்டர் கஞ்சீருக்கும், மருமகள் கல்யாணிக்கும் திருமணம் செய்து வைத்தார். தம்தாரியில் உள்ள விந்தியவாசினி கோயிலில் திருமணம் நடந்து முடிந்தது.