டெல்லி:தலைநகர் டெல்லியை உலுக்கிய ஷ்ரத்தா படுகொலை வழக்கில் கைதான காதலர் அஃப்தாப் பூனாவாலா, திகார் சிறையில் அடைக்கப்பட்டு போலீசார் விசாரணை வளையத்தில் உள்ளார். இந்நிலையில் அஃப்தாப் பூனாவாலா தரப்பில் தாக்கல் செய்யப்பட்ட ஜாமீன் மனு குறித்து டெல்லி நீதிமன்றம் விசாரணை நடத்தியது.
கடந்த 17ஆம் தேதி வழக்குத் தொடர்பாக நீதிமன்றத்தில் ஆஜரான அஃப்தாப், வழக்கறிஞர் தன் சார்பாக வாதாடும் வக்காலத்து படிவத்தில் மட்டுமே கையெழுத்திட்டதாகவும், ஜாமீன் படிவத்தை பூர்த்தி செய்யவில்லை என்றும் கூறினார். மேலும் தன்னுடைய ஜாமீன் மனுவை திரும்பப் பெற்றுக்கொள்வதாகவும் தெரிவித்தார்.